Осыдан екі апта бұрын кешкі сағат 20:00-де Бобровка саяжайы жағындағы Ертіс өзенінде достарымен демалуға шыққан 42 жастағы азаматша суға батып кеткені туралы хабарлаған едік. Аяқ астынан өзеннің қатты ағысы ағызып әкеткен Бақытгүл есімді әйел адамның денесін іздеу жұмыстарына судағы құтқару қызметі мен қаладағы “RINA. KZ-Семей” еріктілер қозғалысының мүшелері де жұмылдырылған болатын.

Енді, міне, көп ұзамай құтқарушылар әйел адамның өлі денесін Старая крепость ауылының маңайынан тауып алды. Марқұмның мәйіті туған-туыстарына тапсырылды.