Қазіргі таңда Семейдің жастары өз мүмкіндіктерін толық пайдаланып, өздері қалаған іспен емін-еркін айналысып, тың идеяларын жүзеге асыру үшін барлық жағдайларды жасауымыз керек .

Осыған орай, бүгін Елбасының «Рухани жаңғыру» бағдарламасы аясында «Нұр Отан» партиясының Семей қалалық филиалының қолдауымен қаламыздағы Абай атындағы әмбебап кітапханасында ерекше көркемделіп жасалған коворкинг орталығы ашылды.

Енді бұл жерде кез келген белсенді азамат ештеңеден қысылмастан еркін диалогты алаң құрып, семинар, конференция, шеберлік сыныптары мен өзге де іс- шараларды өткізеді. Тіпті, дәл осы орталықта әрбір адам өздерін үйде жүргендей сезіне алады. Себебі, келуші жастар ресми кездесулерден бөлек, достарымен бір шыны кофе ішіп, ұнаған киноларын көріп, материалдық- техникалық базаны тегін пайдаланатын болады.

Айта кетейік, коворкинг орталығы дүйсенбіден жұмаға дейін сағат 9.00-ден 18.30-ға дейін қызмет көрсетеді.