Өскеменде №8-ші автобустың жүріп келе жатқан кезде дөңгелегі ұшып кетті (ВИДЕО)
Өскеменде бүгін таңертең қалаішілік №8-ші автобустың жүріп келе жатқан кезде дөңгелегі ұшып кетті, деп хабарлайды Алтайньюс.
Оқиға Құрылысшылар мәдениет үйінің маңайында болған. Куәгерлер жіберген видеодан автобустың дөңгелегі бірнеше метр жерге домалап кеткенін көруге болады. Маңайдағы адамдардың айтуынша, бұл оқиғаға Бажов көшесіндегі жолдың ой-шұңқырлары себеп болуы мүмкін. Дөңгелексіз қалған қоғамдық көліктің ішінде жолаушылар болған. Олардың ешқайсысы зардап шеккен жоқ.
Мәселенің мән-жайын аталған автобус маршрутына қызмет көрсететін «ВЕБАС» ЖШС басшылығы анықтайтын болады. Олардың айтуынша, қазір қоғамдық көлік автопаркке жеткізіліп, орнына басқа автобус жіберілген.
-Дөңгелектің бүлінуіне Бажов көшесіндегі жолдың нашарлығы себеп болды деп ойлаймыз,-дейді «ВЕБАС» ЖШС басшылығы.
