Өскемендегі музыкалық субұрқақтың жұмыс кестесі туралы айтылды
Өскеменнің коммуналдық қызмет өкілдері Республика алаңындағы әнші фонтандар кешені қалай жұмыс істейтінін айтып берді.
1 мамыр күні орталың алаңдағы музыкалық субұрқақ іске қосылды. Алайда, үздіксіз жауған жаңбарға байланысты олар бірден тоқтатылған. Қалалық ТҮКШ бөлімінің хабарлауынша, жаңбыр мен жел күндері фонтан уақтыша өшірілді.
Фонтанның жұмыс кестесі:
Күн ашық кездерде таңертеңгі сағат 9-00 ден, кешкі сағат 19-00 ге дейін. Бір жарым сағат сайын субұрқақтар 30 минут демалады. Кешкі кестеге музыка мен ән қосылады. 20-00 де қосылған фонтандар 23-00 ге дейін «ән салады». Белгіленген уақыт аралғында субұрқақтар демалып отырады. Сонымен бірге, ТҮКШ кешкі 22-00 ден кейін маңайдағы көпқабатты үйлерде тұратын халықтың мазасын алмас үшін музыка дауысы реттелетінін хабарлады.
Қаладағы басқа фонтандар, мамырдың ортасына қарай іске қосылмақ, нақты қай күні екені айтылған жоқ.