Өскеменде өрттен екі адам зардап шекті
Төтенше оқиға Маяковский көшесінде таңғы 6.30 шамасында болды.Көпқабатты үйдің 3-ші қабатындағы пәтерден өрт шыққан.Өрт сөндірушілер жеткенше, жалын сыртқа қарай лапылдап жатты. Құтқарушылар 12 тұрғынды қауіпсіз жерге шығарды.
-Өртті сөндіру кезінде көк түтін басқан пәтер ішінен екі әйел табылды,оның бірі 1959ж туған пәтердің иесі болса,екіншісі оның шешесі. Пәтер иесінің аяқ-қолын өрт шалған.Ал 1953-ші жылғы әйелге иіс тиген,-деді Өскемен қалалық ТЖБ баспасөз хатшысы Марина Лискова.
Зардап шеккендер 1-ші қалалық ауруханаға жеткізілді. Өрттің өршіп кеткені соншалық тіпті үстіңгі қабаттағы пәтерлердің өзін ыс басып қалды. Қызыл жалынды өшіруге жеке құрамның 18 құтқарушысы және 5 техника жұмылдырылды. Өрт аумағы -12 шаршы метр. Алдын-ала болжам бойынша тілсіз жау қауіпсіздік ережелерінің сақталмауынан шыққан.
Оқи отырыңыз