Өскемен қаласының Ішкі істер басқармасының кәмелетке толмаған жасөспірімдер ісі жөніндегі инспекторларының ұйымдастыруымен денсаулық сақтау және білім беру саласы, бұқаралық ақпарат құралдары өкілдерінің қатысуымен «Жасөспірім және отбасы» атты түнгі рейдтік іс-шара жүргізілді.

Оған қатысушылардың жалпы саны 91 адамды құрады.

Жүргізілген рейдтің басты мақсаты - жасөспірімдер арасындағы қылмыстың алдын алу және ескерту, спирттік ішімдіктерді пайдаланатын, сондай-ақ, түнгі уақытта ойын-сауық мекемелерінде, ата-аналарының қарауынсыз жүрген кәмелет жасқа толмағандарды анықтап, көңіл көтеретін мекеме иелеріне және ата-аналарына әкімшілік шаралар қолдану болды.

Нәтижесінде ешқандай құқық бұзушылық фактілері тіркелген жоқ. Ал бұл облыс орталығынын азаматтары заңға толығымен бағынатындықтарын көрсетеді.

- Түнгі рейд барысында құқық бұзушылық фактілер тіркелген жоқ – дейді, кәмелетке толмағандардың істері жөніндегі инспектор, полиция капитаны Дарья Ахметвалиева.