Жол көлік оқиғасы Өскемен- Шемонаиха тас жолында орын алды. Шағын автобус облыс орталығына қарай бара жатқан. «Газель» маркалы көліктің жүргізушісі маневр жасау кезінде көлікті басқара алмай, жол шетіне шығып кетіп аударылған.

– Шағын автобуста 8 жолаушы болған, апаттан зардап шеккендер жоқ, - дейді ШҚО ІІД баспасөз қызметі. - Жүргізушіге қатысты әкімшілік хаттама жасалды.

Жол көлік оқиғасы фактісі бойынша тергеу жұмыстары жүргізілуде.