ШҚО-ның Самар ауылы маңында жеңіл автокөлік аударылып қалды, деп хабарлайды Алтайньюс тілшісі.

Жол-көлік оқиғасы 12 қыркүйек күні Көкпекті-Васильев өткелі тас жолының бойында орын алған.

Субару маркалы автокөлігінің жүргізушісі жылдамдықты асырып жіберіп, бұрылыста көлікті басқара алмай қалыпты. Нәтижесінде, 55 жастағы ер адам тек жеңіл жарақаттар алған екен.

ШҚО ІІД баспасөз қызметінің мәлімдеуінше, жүргізушіге қатысты әкімшілік хаттама толтырылды.