Семейдегі автоқұрастыру зауытында қазақстандық үлес артып келеді. Мәселен, «Газель» автокөлігіне қажетті бөлшектердің дені бұрын Ресейден тасымалданса, қазір қазақстандық үлес 80 пайызға жеткен.

Зауытта жиырмадан астам жаңа жұмыс орны ашылған. Кәсіпорын 10 жылдан бері автобус, жүк көліктері, трактор сияқты техникаларды шығарумен айналысуда. Күні бүгінге дейін облыс тұрғындарын қажетті ауыл шаруашылығы техникаларымен қамтамасыз етіп келе жатқан зауыттың өнімдеріне сұраныс жоғары.

– Сапалы және бәсекеге қабілетті өнім шығарып, қазақстандық нарықтан шетелдік тауарларды ығыстыру, жергілікті өндірісті дамытуға ден қою керек, - дейді кәсіпорын жетекшісі Әсемқан Досқожанов.