Ауданның кіреберісінде Омбы-Майқапшағай халықаралық тасжолының бойындағы Боғас бекетінің қиылысында жолаушыларға арналған «Дарабоз» бекет-кешені ашылды.

Тоғыз жолдың торабында орналасқан бұл жерде осыған дейін жолаушыларға арналған бекет болмаған. Бекетті қазақ күресінен талай жарыста топ жарған ағайынды Мақсат пен Талғат Мәзібаевтар өз қаражаттарына салды. Жаңадан ашылған бекетте 28 орындық қонақүй, 80 орындық асхана, арнайы автотұрқақ бар. Сонымен қатар, мұнда 12 жұмыс орны ашылды.

Кәсіпкердің айтуына қарағанда бекет арқылы қысы-жазы жүретін толассыз жолаушылардың аялдап, бой сергітетін орнына айналмақ. Оның үстіне келер жылдан бастап бекетте көлік жуу орталығы, монша мен шағын спорт алаңының құрылысы да басталады.