«Нұрлы жер» бағдарламасы бойынша Зырян ауданындағы жер үйлерді орталықтандырылған жылу жүйелеріне қосу жұмыстары жүргізілуде.

Қазір аудан көлемінде жылыту маусымына дайындық жұмыстары қызу жүріп жатыр. Бүгінде су құбыры мен кәріз желілерінің 82 пайызы қысқы мезгілге дайын тұр. Зырян ауданының тұрғыны Дмитрий Зайцевтің айтуынша, бұрын ол күніне екі рет пеш жаққан.

– Аудан әкімі Нұржан Тоқсейітовке алғыс айтамын. Өздеріңіз білетіндей, жер үй тез суып кетеді. Сондықтан біз осы күнге дейін пеш жағу үшін көмір мен отын алуға біршама қаражат жұмсайтын едік. Енді үйге жылу жүйесін тартып береміз деп жатыр. Біз сияқты қарияларға бұдан артық не керек?, - дейді Дмитрий Зайцев.