Облыста «Б» корпусының әкімшілік мемлекеттік қызметшілерін аттестаттаудың қорытындысы шығарылғаны белгілі. Кешенді тексерулердің нәтижесінде 16 шенеунік жұмысынан шеттетілді.
-Ауылдық әкімдіктердің кейбір қызметшілерінің бағдарламалардың стратегиялық мәнін түсінбейтіндері белгілі болды. Қызметінен босатылғандардың қатарында Көкпекті, Ұлан ауданындағы ауылдық әкімдіктердің мамандары , облыстық жұмыспен қамту және әлеуметтік бағдарламаларды үйлестіру басқармасының бас маманы бар.
Бос лауазымды орындарға байқау жүріп жатыр. Мемлекеттік қызметке түсем деушілер өз күштерін сынап көрулеріне болады, - деді ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің ШҚО бойынша департаменті басшысының міндетін атқарушы Жанна Қабдолдақызы.
Айна Ескенқызы