Өскемен мен Новосібір қалаларының арасында тікелей әуе рейсі іске қосылады. Жолаушылар тасымалдау қызметін қазақстандық «SCAT» компаниясы атқарады.

Мамандардың айтуынша, бұл бағыттағы алғашқы әуе кемесі алдағы мамыр айының 27-сі күні ұшырылмақ және бүкіл жаз маусымында аптасына үш күн, яғни, сәрсенбі, жұма, жексенбі күндері қатынап отырады. Жолаушылар тасымалдау қызметі «Bombardier CRJ-200» ұшағымен жүзеге асырылады.

Әуе кемесі Новосібірден сәрсенбі, жұма күндері ресейлік уақыт бойынша 12.00 де, ал жексенбіде 12.10-да ұшып шығады. Ал Өскемен әуежайынан аптаның үш күнінде де астаналық уақытпен 09.45-те ұшады. Билеттер тиісті әуе компаниялары мен Толмачева әуежайының сайтында, сондай-ақ, Новосібірдегі әуе кассаларында сатылады.