Есірткі бизнесіне қарсы күрес бөлімінің қызметкерлері Өскемен қаласында героин сатқан екі жігітті қолға түсірді, деп хабарлайды Аltaynews.kz тілшісі.

Тепсе темір үзетін кезінде ілім-білімге ден қоймай, санасын есірткімен улаған 18 жасар жігіттер Өскеменнің еш жерде жұмыс істемейтін тұрғындары болып шықты.

Олардың біреуі үш өскемендік азаматқа 50 грамнан астам героин сатып тұрғанында ұсталса, екіншісі 19 полимер қапшаға салынған 65 грамм героинді өткізбек болған кезінде қолға түскен. Олардың есірткілері мен ақшасы тәркіленді.

Қазір аталған фактілер бойынша қылмыстық іс қозғалып, тергеу жүргізілуде.