Риддердегі балалар өнер мектебінің құрылғанына 30 жыл толды , деп хабарлайды Altaynews.kz тілшісі.

Бұл күндері осы мектепте 190 оқушы білім алып жатыр. Құрылғаннан бергі аралықта 27 мәрте түлектерін ұшырып шығарды. Бітірген түлектерінің көпшілігі өнер жолын қуып, жоғары және арнайы оқу орындарына түсіп, білім алғаннан кейін, өнер саласында жұмыс істеп жүр.

Соңғы екі жылда бұл мектептің тәрбиеленушілері облыстық, республикалық, халықаралық көрмелер мен байқауларға 33 рет қатысып, 490 еңбегін ұсынды. Соның нәтижесінде бірінші, екінші, үшінші дәрежелі дипломдармен 40 мәрте марапатталды.