Шығыс Қазақстанның жас өнерпаздары ғаламтор желісінде ай сайын өтетін Халықаралық ашық ғаламтор-конкурсына қатысып, лауреат атанды , деп хабарлайды Altaynews.kz тілшісі.
Шемонайха ауданындағы өнер мектебінің оқушылары мен оқытушылары үшін ғаламтор желісінде ай сайын өтетін Халықаралық ашық ғаламтор-конкурсына қатысу дәстүрге айналды. XV байқауға өнер мектебінің вокаль бөлімінде оқитын төрт оқушысы қатысқан болатын. Шемонайхалық өрендер қуанарлық нәтижеге қол жеткізді. Радион Зиновьев (оқытушысы Е.А.Росина) лауреат атанып, 2-дәрежелі дипломмен марапатталса, Илария Крылова (оқытушысы О.В.Сидорова) лауреат атағын және 3-дәрежелі дипломды иеленді.
«Біз оқушыларымыздың абыройлы жеңістерін мақтан тұтамыз. Сондай-ақ, осы конкурсқа қатысқан Алтынай Құнанбаева мн Таисия Зиновьеваға да алғыс білдіреміз» дейді өнер мектебінің басшылығы.
