Семей қаласында Ертіс өзенінде батып кеткен 17 жастағы қыздың денесі үш күннен кейін табылды, деп хабарлайды Аltaynews.kz тілшісі облыстық ТЖД-нің баспасөз мәліметіне сілтеме жасап.
Бойжеткен 2-қыркүйекте шаһардағы аспалы көпірден секіріп кеткен болатын. Көргендердің айтуынша, жағада қыздың киімдері мен ұялы телефоны қалған.
Суға секірген адамды байқаған құтқарушылар оқиға орнына дереу жеткенімен, оның денесі тек үш күннен кейін ғана табылды.
Мәлімет көзі: Аltaynews.kz