Қазақстан мен Ресей шекарасында көлік кептелісі орын алды
ҚР МКК
Сенбіден бері Ресей Федерациясы бағытында «Сырым» автомобиль өткізу пунктінде (Батыс Қазақстан облысы) 200-ге жуық жүк көліктері жиналды, деп хабарлайды Altainews.kz тілшісі.
Мемлекеттік кірістер комитеті Ресей Федерациясымен шекарадағы ағымдағы жағдай туралы түсіндірді.
- Кептелістің негізгі себебі - Ресей тарапының шекаралық бақылау процестерінің баяулауы. Қолда бар ақпаратқа сәйкес, Ресейдің шекара қызметі «Маштаково» өткізу пунктінде инспекциялық-тексеру кешенінің жұмысындағы проблемаларға байланысты жүктерге физикалық бақылау жүргізеді, - деп хабарлады Мемлекеттік кірістер комитеті. - Қазақстандық тарап жағдайды реттеу мақсатында ресейлік тарапымен жұмыс жүргізуде.
Айта кету керек, ЕАЭО елдерімен шекарадағы мемлекеттік кірістер органдары тек тасымалданатын жүктердің мониторингін жүзеге асырады (5-7 минут ішінде), бұл шекарадан өту үшін қиындықтар туғызбайды және автомашиналардың кептелісіне әкелмейді.
Сырым АӨП штаттық режимде жұмыс жасайды.
Оқи отырыңыз
