Өскеменде өткен «Қазақстанның үздік тауары-2013» атты облыстық көрме-байқауға Үржар ауданынан шұжық өнімін өндіретін «Швабские колбаски» ЖШС мен Көлденең ауылдық округінің жеке кәсіпкері Ш.Байянов қатысқан болатын, деп хабарлайды Аltaynews.kz тілшісі.

Байқау кезінде Шәкіржан Байяновтың көрмеге апарған арнайы ыдыстардағы ара балын облыс әкімі Бердібек Сапарбаев жоғары бағалаған-ды.

Аймақ басшысының ризашылығына ие болған жеке кәсіпкер «Шығыс Қазақстан облысының үздік тауары-2013» кубогын иеленіп, сондай-ақ, «Жаңа өнім шығарғаны үшін» мақтау қағазымен марапатталды.