Осыдан он жыл бұрын Зайсан ауданының Шілікті жазығындағы обалардан қазып алынған сақ патшасының сүйегі бұрынғы орнына қайта жерленді, деп хабарлайды Аltaynews.kz тілшісі.
Естеріңізге салсақ, ауыл ақсақалдары «сақ бабаларымыздың сүйегі басымызға бәле болып жабысты» деп дабыл қаққан болатын. Осы өңірде су тасқынының жүруі, құрғақшылықтың орнауы, ақыл-есі кем балалардың дүниеге келе бастауы – бәрі, бәрі сол патшаның сүйегін қазып әкетуге байланысты деп болжаған. Енді, міне, тұрғындардың өтінішімен тарихи жәдігер бұрынғы орнына қайта жерленді.