Үш жарым ай бойы арнайы дайындықтан өтетін Семейдің әскери – техникалық мектебінің 90 курсанты ант қабылдады. Ант қабылдау рәсімі дәстүрлі түрде жыл сайын маусым айының соңында Жеңіс саябағында өткізіледі. Оқу барысында болашақ сарбаздар жүргізуші кәсібін меңгеріп, автокөліктің құрылысын игеретін болады.

- Бізде үш оқу взводы бар. Екі взводттың курсанттары әскери көлік жүргізуші мамандығы бойынша В және С санаттарын игерсе, үшінші взвод БАТ-М механиктерін дайындайды.

Мектепті тәмамдағаннан кейін бітірушілерге арнайы сертификат беріліп, күзде ҚР Қарулы күштерінің қатарына шақырылады. Әскер қатарына жаңадан шақырылған бозбалаларға қарағанда, алдын – ала дайындықтан өтіп, әскери өмірдің мән – жайын білетін курсанттарға Отан алдындағы борышын өтеу жеңіл болады, – дейді ӘТМ директоры Владимир Александров.

Сонымен қатар В. Александровтың мәлімдеуінше, бұл соңғы шақыру, себебі күзден бастап мектепте тек резервитер дайындықтан өқтетін болады. Оқу ақылы негізде болады. Айлық оқу - жаттығулар аяқталғаннан кейін курсанттар арнайы сертификат пен әскери билетті иеленеді.