Күршім ауданында 2013 оқу жылында "Алтын белгі» мен «Үздік аттестат» алған оқу озаттары мен спортта жоғары жетістіктерге жеткен түлектерге құрмет көрсетілді , деп хабарлайды Аltaynews.kz тілшісі.
Биыл ауданның 6 оқушысы кеуделеріне "Алтын белгі" қадаса, бір түлек "Үздік аттестат" иеленді. Аудан әкімінің орынбасары Р.Үмітбаева жүлдегер түлектерді құттықтап, оларға жарқын жол тіледі. Оларға "Алтын белгі "төс белгілері мен Алғыс хаттар, бағалы сыйлықтар салтанатты түрде табыс етілді.
Ауданның мақтанышына айналған түлектерді аудандық мәслихаттың хатшысы Қ.Әбілмәжінов, аудандық білім бөлімінің әдістемелік кабинетінің меңгерушісі Б.Нұрымова, Теректі №1 орта мектебінің директоры С.Ақанов, «Алтын белгі» иегері №3 Күршім гимназиясының түлегі Д.Байжан, «Алтын белгі» иегері Қалжыр орта мектебінің түлегі С.Тоқтарғалиева, үздік спортшы Күршім орта мектебінің түлегі Н.Төкенов құттықтап, сәт сапар тіледі.