Бұқтырма жағалауында дем алғысы келетіндер үшін жағымды жаңалық: Өскеменнен «Көгілдір бұғаз» бен «Айна» демалыс орындарына арнайы автобустар жүретін болды, деп хабарлайды Аltaynews.kz тілшісі.
Автобус Абай даңғылында орналасқан автобекеттен күн сайын таңғы 8.20-да аттанады. Қоғамдық көлік әзірге күніне бір-ақ рет қатынағанымен, демалушылардың санына қарай қосымша рейстер ашылуы да мүмкін.
Автобекет қызметкерлерінің мәліметтері бойынша, "Айна" демалыс орнына дейін ересектер билетінің құны 850 теңге, ал "Көгілдір бұғазға" дейін - 650 теңге. Ал 7 мен 15 жас аралығындағы балалар үшін билеттер 50 пайыздық жеңілдікпен сатылады.
Билеттерді алдын ала сатып алуға болады.