Өскемен қаласындағы Солжағалау кешенінде бүгін, 4-маусымда сағат 18.00-де «Туған ел - алтын бесігім» акциясының аясында облыстың мемлекеттік қызметкерлерінің гала концерті өтеді , деп хабарлайды Аltaynews.kz тілшісі.
Облыста сәуір мен мамыр айлары аралығында «Туған ел – алтын бесігім» акциясының шеңберінде Шығыс Қазақстанның мемлекеттік қызметшілерінің арасында көркемөнерпаздар байқауы өткен болатын. Байқауға облыстың 12 мекемесінен 300-ден астам қызметші қатысты.
Қорытынды гала-концерт кезінде ең үздік нөмірлер көрсетіледі. Лайықты дегендері арнайы марапатқа ие болады. Мұның барлығы мемлекеттік шенеуніктер арасында таланттыларын анықтап, оларды шығармашылықпен айналысуға тарту мақсатында жасалып отыр.