Семейлік оқушылар Астана қаласында өткен «Astana open II» мектеп лигасына арналған халықаралық пікір-сайыс турнирінен жеңіспен оралды, деп хабарлайды Аltaynews.kz тілшісі Семей қалалық ішкі саясат бөлімінің мәліметіне сілтеме жасап.
Астана қаласында «Astana open II» мектеп лигасына арналған халықаралық пікір-сайыс турнирі өтті. Турнирдің ұйымдастырушылары – Қазақстан Республикасының Тұңғыш Президенті мұражайының әкімшілігі және Астана пікір-сайыс бірлестігі. Интеллектуалды сайыс қазақ, ағылшын және орыс тілдерінде өтті. Турнир барысында қатысушылар Қазақстан Республикасындағы зейнетақы реформасы тақырыбында сөз жарыстырды. 
Семей қаласынан бұл додаға № 32 мектеп оқушылары Шыңғыс Айдынов, Әлібек Ұлықбеков, Олжас Фазылов, № 47 мектеп оқушылары Әйгерім Қуанышқызы, Оралбек Тоқтарбеков, № 16 мектеп оқушысы Айдана Махатова қатысты.
Турнир қорытындылары бойынша Шыңғыс Айдынов «Ең үздік спикер» аталымын жеңіп алып, Линкольн-Дуглас форматының чемпионы атанса, «Айқын» фракциясы (Шыңғыс Айдынов, Әлібек Ұлықбеков) және «Шын мен шың» фракциясы (Олжас Фазылов, Айдана Махатова) жартылай финалға шығып, өнер көрсетті.
Семейлік оқушыларды бастап барған «Пікір-сайыс клубтарының бірлестігі» Қоғамдық Қорының өкілі Елназ Қалиасқарова «Үздік жетекші» аталымын иегері атанды.
