А.С.Пушкин атындағы облыстық кітапханада Халықаралық ана күніне арналған мереке өтті, деп хабарлайды Altaynews.kz тілшісі.
Кітапхана жанындағы клуб мүшелері мен шет тілдері курстарының тыңдаушылары өз білімдері мен таланттарын көрсетіп, аналары мен әжелерін бір марқайтып тастады. Құттықтау мен сыйлықтардың астында қалған аналар сонымен қатар қызықты ойындар мен байқауларға қатысып, көңіл-күйлерін көтерді.
Кеш бағдарламасында аналарға арнап Access бағдарламасының курсанттары сахналық көрініс қойса, әр елден келген «қонақтар» тамаша ән-жырдан шашу шашты.
Көптеген отбасыларында ең жақын адамдарына арнап мерекелік дастархан жаю дәстүрге айналған. Сол себепті алма қосылып жасалған бәлішке байқау жарияланған болатын. Жас қыздар бар өнерлерін салғандарын байқаттты. Ал оларға төреші болған, әрине, аналары.
Ана күні мерекелік дастархан басында жалғасты.