Бүгін түнде Семей қаласындағы Аягөз көшесінде орналасқан жеке меншік үйлердің бірінің төбесі опырылып түсті. Бұл уақытта жатын бөлмеде 32 жастағы ер адам мен жұбайы ұйықтап жатқан болатын, деп хабарлайды Аltaynews.kz тілшісі.

Түнде болған бақытсыз оқиға тек таңертеңгісін белгілі болды. Көрші бөлмеде ұйықтап жатқан балалары оянғанда көрген.

Оқиға орнына келген құтқарушылар бөлмені бір сағаттан астам уақыт аршыды, 15 шаршы метр аумақ құлаған. Өкінішке орай, ерлі-зайыптылардың екеуі де алған жарақаттарынан көз жұмды.

Семей қалалық ТЖБ апаттың себебін анықтап үлгерді. «Төбеге шлакоблок шамадан тыс көп төселген », – дейді төтеншеліктер.