Аймақтағы мектеп оқушылары үшін тегін жоғары әскери білім алу мүмкіндігі туып тұр. Қорғаныс министрлігі облыстың барлық қалалары мен аудандарында тиісті іріктеу жұмыстарын жүргізеді , деп хабарлайды Аltaynews.kz тілшісі.

Оқуға қабылданған ұлдар еліміздің және Ресейдің жоғары оқу орындарында білім алады. Қазақстанда бұлар – Алматыдағы құрлық әскерлерінің әскери институты, Ақтөбедегі әуе қорғаныс күштерінің әскери институты болса, Ресейде – Санкт-Петербургтің, Краснодардың, Воронеждің әскери білім ошақтары. Аталған оқу орындарында 5 жыл бойы казармалық тәртіппен оқиды. Бес жыл көлемінде төленетін шәкіртақы мен бітіргеннен кейінгі берілетін лейтенант шені қоса бар.

Оқуға 17-21 жас аралығындағы ұлдар жіберіледі. Қабылдау уақыты алдағы 1-мамырға дейін. Өскемендіктер Протазанов көшесі 37а мекенжайына хабарласып, қажетті ақпарат алуға мүмкіндігі бар. Ал Зырян, Риддер
немесе басқа да өңірлердегі үміттілер тұрғылықты жері бойынша қорғаныс істері жөніндегі басқармада комиссиядан өтеді.