8-наурыз халықаралық әйелдер күні қарсаңында Шығыс Қазақстан облысы жол полициясының қызметкерлері көлік айдайтын қыз-келіншектерге тосын сый-сияпат әзірлеп қойды, деп хабарлайды Аltaynews.kz тілшісі облыстық жол полициясы қызметкерлері берген мәліметке сүйеніп.

«Қандай сыйлықтар екені әзірге құпия. Дегенмен жол полициясы басқармасының мамандары көктемнің алғашқы күнін «Өзара түсіністік күні» деп белгілеп, күтпеген сыйлықтар әзірлеп жатыр» деді жол полициясының аға инспекторы Ақгүл Атудинова.

Аға инспектор сыйлықтардың «Сентрас Иншуранс» сақтандыру компаниясы» акционерлік қоғамының демеушілігімен дайындалып жатқанын айтты.