Бесқарағай ауданы Үлкен Владимировка орта мектебінің 11 сынып оқушысы Мұқашев Темірлан Мәскеу қаласында өткен халықаралық турнирдің жеңімпазы атанды, деп хабарлайды Аltaynews.kz тілшісі.
27 қаңтардан 3 ақпан аралығында Ресей Федерациясының астанасы Мәскеу қаласында « Компьютерлік физика – 2013» XVII Халықаралық турнирі өтті.
Турнирде Ресейдің 15 қаласы мен Қазақстанның қалалары мен облыстарынан 10 команда өз білімдерін сарапқа салды.
Олардың арасында бесқарағайлық Темірлан өз білімін үздік көрсете біліп, ІІ дәрежелі дипломмен және арнайы сертификатпен марапатталды.
Жеңімпазды оқытушысы Жанболат Ерсайынұлы Рүстемов даярлаған.