Өткен тәулікте облыс аумағындағы біраз жолдарда қар көшкіні жүрді, деп хабарлайды Аltaynews.kz тілшісі облыстық ТЖ департаментінің баспасөз қызметіне сілтеме жасап.

Катонқарағай ауданындағы «Согорное-Печи» жолында көлемі 250 текше метр қар көшкіні жолды жауып қалды.

«Өскемен-Зырян» бағытының 61-65 шақырымында жалпы көлемі 300 текше метр үш қар көшкіні өз бетімен құлап, жолды түгелдей жауып қалды.

«Зырян-Богатырева-Путинцево» бағытында да 300 текше метр қар жолды жауып қалып, қозғалысты тежеп тастады.

Қар көшкіні жүрген учаскелердің бәрінде «Қазавтожол» кәсіпорнының техникалары тазарту жұмыстарымен айналысты.

Зардап шеккендер жоқ.