Шығыс Қазақстан облысының Верхный Уба кентінде Усть-Маралиха көшесінің бойында орналасқан жекеменшік үйде екі газ баллоны жарылды, соның салдарынан тұрғын үйдің төбесі мен қабырғалары опырылып құлап, соңы өртке ұласты.

Жалын 48 шаршы метрді шарпыды.

Бұл туралы ҚР ТЖМ-нің баспасөз қызметінен хабарланды. Өрт сағат 17.00-де сөндірілді. Тілсіз жауды ауыздықтауға ҚР ТЖМ Шығыс Қазақстан облысы бойынша ТЖД «Апаттық-құтқару қызметі» ММ-нің 9 адамы мен 1 техникасы жұмылдырылды. Үйдің үйінділері астынан егде жастағы екі адамның мәйіті табылды.