ШҚО-да тұрғын үйдің пәтерінде болған өрт орнынан әйелдің және ер адамның күйіп кеткен мүрделері табылды, деп хабарлайды ҚР ТЖМ-нің баспасөз қызметінің мәліметіне сүйенген Аltaynews.kz тілшісі.
Шығыс Қазақстан облысының Үлкен Нарын ауылында екіқабатты тұрғын үйдің пәтерінде өрт болды. Жалын тілі 24 шаршы метр жерді шарпыды. Өртті сөндіру барысында туған жылы белгісіз әйел мен тұлғасы анықталмаған ер адамның жанып кеткен мүрделері табылды.
Тілсіз жауды ауыздықтауға ҚР ТЖМ Шығыс Қазақстан облыстық ТЖД-ні өрт сөндіру қызметінің 9 адамы мен 2 техникасы жұмылдырылды.
Аltaynews.kz