Қазақстандық үш қарғып секіруші Ольга Рыпакова Нью-Йорк қала-сында аяқталған «Гауһар лиганың» алтыншы кезеңінде жеңіске жетіп, халықаралық жарыстың бас жүлдесін иеленді.
Өскемендік жеңіл атлет бірінші мүмкіндігінде 14,71 метрге қарғып, турнирдегі ең жоғары нәтижеге жетті. Бұған қоса ол өзінің жеке рекордын да жаңартты. Ал күміс медаль 14,45 метрлік көрсеткіште қарғыған ямайкалық Кимберли Уильямсқа бұйырды. Үшінші орын алған кубалық Яргенис Савиньенің нәтижесі – 14,08 метр.
Естеріңізге сала кетейік, Ольга Рыпакова осыған дейін Дохадағы кезеңде 14,33 метрлік көрсеткішке жетіп, алтын медальды жеңіп алған болатын. Ал Римдегі кезеңдік жарыс-та өскемендік өрен украиналық Ольга Солодухадан (14,75 метр) екі сантиметр ғана ұтылып, күміс жүлдені иеленген еді.
