Семейде «Автобус» және «Қауіпсіз қала» деп аталатын екі бірдей шұғыл алдын алу шаралары ұйымдастырылды.
Ондағы мақсат – шұғыл шараларды жүргізу барысында жол қауіпсіздігін күшейтіп, апаттардың алдын алу.
Көліктерінің техникалық жағдайы мен жүргізу-шілердің құжаттары тексерілді. Ресми деректерге қарағанда, жыл басынан бері Семейдегі қоғамдық көлік жүргізушілері жол ережесін 880 рет бұзған. Заң бұзушылардың алтауы көлікті мас күйінде жүргізсе, 270-і жылдамдықты шектен тыс асырған және басқа да заңсыздықтар. Қала бойынша 31 жол апаты оқиғасы туындаса, соның салдарынан 9 жолаушы зардап шеккен.
Шара барысында 112 автобус тексеріліп, оның 82-сі жол ережесін бұзғаны анықталды.