Бұдан былай той машиналары да айыппұл төлейтін болды. Риддерде осыған орай жедел-алдын алу шаралары өткізілді, деп хабарлайды Altaynews.kz тілшісі.

Бұл шараға қала полициясы ғана емес, облыстық полиция қызметкерлері де қатысты. Әкімшілік жазадан ұрттап алған жүргізушілер де, той машиналары да құтыла алмады. Жас жұбайлардың құрметіне безендірілген автокөліктер дабыл қағып қана қоймай, жол жүру ережелерін де жиі бұзатыны белгілі. Сондықтан бұдан былай тәртіп бұзған той көліктері де жазаланатын болды.