ШҚО кәсіпкерлері: Әлеуметтік тауарлар тізімін өзгерту қажет
Фото: depositphotos.com
Шығыс Қазақстан облысының Кәсіпкерлер палатасы жанындағы Сауда және қызметтер кеңесінің отырысында әлеуметтік маңызы бар азық-түлік тауарларының (ӘМАТ) тізімін нақтылау ұсынылды. Әсіресе, тауық еті мен күнбағыс майы бойынша өзгерістер енгізу қажет екені айтылды, деп хабарлайды Altainews.kz тілшісі.
- Қазіргі тізімде «тауық еті (жамбас және жіліншіктегі етпен қоса)» деп көрсетілген. Біз бұл ұғымды «бөлінбеген жамбас және жіліншек сүйегімен қоса мұздатылған тауық саны» деп өзгертіп, нақтылауды ұсынамыз, - деп атап өтті өңірлік «Сауда кәсіпорындары қауымдастығы» ҚФ төрағасы Владимир Бердник.
Сонымен қатар, ол күнбағыс майын категориялар бойынша бөлу қажеттігін айтты: тазартылған және тазартылмаған май түрлері (дүкендегі май ассортиментінің 30%-ы әлеуметтік маңызы бар бағада, яғни 15% үстемемен сатылуға тиіс).
Кеңес отырысының қорытындысы бойынша әлеуметтік маңызы бар тауарлар тізіміне түзетулер енгізу ұсыныстары Қазақстан Республикасының Сауда және интеграция министрлігіне жолданатын болды.
Оқи отырыңыз
