Қабен деген шопан кеңес кезінде Мәскеуге ауыл шаруашылығы көрмесіне (ВДНХ) барыпты. Мәскеудей үлкен қаланы көріп, желпініп қайтқан Қабең бір тойда өзінің Ленин мавзолейінің жанында түскен суретін ауылдастарына көрсетіп мақтанып отырады. Құрдасы Дәкейге қарап қойып: «Мен - Дәкей емеспін, Мәскеуде, мавзолейдің дәл жанында суретке түскен адаммын», - деп қалжыңдайды.
Қабеңнің бір қолы жоқ болатын. Сонда құрдасы тұрып: «Әй, Қабе, несіне мақтанасың, мәузелей деген орыстың бейіті, суретке түсетін жер таппағандай, қолың шолтиып бейіттің қасында тұрсың ғой!.. - деген екен.