Ауғанстан президенті Хамид Карзай АҚШ-тың президенті Барак Обамадан кешірім хат алғанын хабарлады.
Б. Обама америкалық әскерилердің «Баграм» әуе базасында Құранның көшірмесін жойып жібіргені үшін кешірім сұраған.
Б. Обама өзінің хатында орын алған жайсыз оқиға үшін өкінетінін айтқан, деп хабарлайды Би-Би-Си. Сондай-ақ, америкалық көшбасшы өзінің ауғандық әріптесіне АҚШ-тың билігі кінәлілерді жауапқа тартып, ендігіде осындай оқиғалардың орын алмауы үшін барлық шараларды қолданатынына уәде берді.
Мәлiметтiң көзi: ҚазАқпарат