Семей белсенділері пікірсайыс өткізді. Командаларға біріккен қаладағы жоғары оқу орындары мен колледждердің студенттері Елбасымыздың халыққа арнаған биылғы Жолдауында айтылған көптеген мәселелерді талқыға салды.
«Жас Отан» жастар қанаты мен «Пікірсайыс клубтарының бірлестігі» қоғамдық қорының өкілдері осы демалыс күндері Шәкәрім атындағы университетте пікірсайыс өткізді. Қаладағы барлық оқу орындарының студенттері өз пікірлерімен бөлісті. Жобалар алуан түрлі болды: мемлекеттік сатып алу мәселесі, әлеуметтік, денсаулық сақтау мен білім беру салаларындағы, сонымен қатар сыбайлам жемқорлық және өзге де маңызды мәселелер кеңінен сөз болды. «Пікірталас кезінде ақиқатқа көз жеткізуге болады. Жастар өзінің өңірі мен әр түрлі саладағы толғандыратын түйткілді мәселелерді талқылады», дейді ұйымдастырушылар.