Өскемен тұрғындары үшін 3 мұз айдын жұмыс істейді, деп хабарлайды Алтайньюс тілшісі.

Бұл туралы қалалық әкімдікте өткен жиналыста айтылды.

Мұз айдынның үлкені – «Алтай» 13 желтоқсанда сағат 11:00-де ашылады. Жылдағыдай конькиді бір сағатқа 500 теңгеден жалға алуға болады. Ал өзінің конькиімен келгендерге тегін. Стадионда кафе мен әжетхана да болады. Әуен ойналып тұрады.

Жұмыс кестесі:

Дүйсенбі күні 13:00 – 23:00;

Сейсенбі-жұма күні 11:00 – 23:00;

Демалыс күндері 10:00 – 23:00.

Айта кетейік, жексенбі сайын сағат 13:00-де қызықты ойындар ұйымдастырылады.

Комсомол аралындағы мұз айдын 15 желтоқсан күні, ал Самал саябағындағы (Октябрь аралындағы) мұз айдын 16 желтоқсанда ашылады.

Бұл жерлердегі жағдай да дәл «Алтадағыдай». Жылыту бекеті, әжетхана, жарық...