ҚР ақпарат және байланыс министрі тіркеу төңірегінде кімнің ұялы телефоны бұғатталуы мүмкін екенін айтты. Абаевтың сөзінше, бірдей IMEI-коды бар аппараттарда байланыс үзіледі, деп хабарлайды Алтайньюс тілшісі Today.kz сайтына сілтеме жасап.

Министр ел азаматтары үшін телефонды тіркеу қиындық туғызбайтындығын айтты.

- Бірнеше IMEI-код, бір IMEI-коды бар бірнеше телефон ұстап жүргендер... Бұл контрабандноны біреу басқа жақтан әкелетінімен байланысты. Контрабандно 200 телефон әкеліп, бәріне бір IMEI-код қояды. Міне, қиындық соларда тууы мүмкі. Бірақ бәрі Қазақстан азаматтары, көбі дилерлерден, өздері танитын адамдардан телефон сатып алады,-деді Д.Абаев өз сөзінде.

Айтуынша, бұл тұрғыда уайымдаудың қажеті жоқ, өйткені көлеңкелі нарықта ондай телефон көп емес.

Сондай-ақ, министр қазақстандықтар Жаңа жыл түні байланыссыз қалмайтынын айтып уәде берді.