19 жастағы бойжеткен өлімінен үш күн бұрын сүйікті адамына тұрмысқа шықты
Өмір жолын енді ғана бастаған Нина Марионоға 19 жасында дәрігерлер қанша ем қабылдаса да ең соңында өлімге әкеліп соқтыратын диагноз қойған. Бұл аурудың түрі «Саркома» деп аталады.
Бірақ айықпас дертіне қарамастан өрімдей қыз өзінің сүйікті адамына ауруханада тұрмысқа шықты. Себебі оның соңғы арманы қалыңдықтың ақ түсті көйлегін кию еді. Арухана қабырғасында шағын ғана жасалған той өзге тойлардан да ерекше өтіпті. Алайда 3 күн өткеннен кейін Нина жансақтау бөлімінде көз жұмды.
Айта кетейік, Нина мен Джои әртүрлі ауруларға шалдыққан балаларға арналған демалыс лагерінде танысқан. Екі жастың көңіл қосқандарына 13 жылдай болған екен.