«Алтай» волейбол клубының аясы кеңейіп келеді. Өскемендік суперклуб жанынан құрылған «Алтай-4» қыздар волейбол командасы Семей қаласында орналасатын болады. Бұл туралы клубтың баспасөз қызметі хабарлайды.

Белгілі болғандай, жаңадан жасақталған ұжым 23 жасқа дейінгі волейболшылар арасындағы ел чемпионатында өнер көрсетпек. Команда мүшелері Семейдегі дарынды балаларға арналған интернатта тұрып, сол жерде оқу-жаттығуларын жүргізетін болады. Тағы бір айта кетер жайт, «Алтай-4» командасын Шығыс Қазақстанға арнайы шақыртумен келген жапондық бапкер Исида Саэ жаттықтырмақ.

Сонымен қатар дәл қазір Өскеменде «Алтай-3» деп аталатын волейбол командасы да жасақталуда. Оған 7 мен 10 жас аралығындағы ұл балалар қабылданады, деп хабарлайды клубтың баспасөз қызметі.