Қаланың орталығында орналасқан Ленина көшесінде ТОО «Металлист» компаниясының қолдауымен болашағын спортпен байланыстырған жас жеткіншектер және салауатты өмір салтын ұстанатын ересек адамдар үшін жаңа спорт алаңы ашылды.

Бұл жер жасанды жабынмен жабдықталған екен. Сонымен қатар турниктер және тағы да басқа шынығуға арналған түрлі темірлер орнатылыпты.

Салтанатты жиынға қала әкімі Ермак Сәлімов және өзге де лауазымды тұлғалар қатысты. Шара барысында шаһар басшысы кішкентай балалармен тілдесіп, олармен естелік суретке түсті. Ал көк лента қиылғаннан кейін ақ жаулықты әжелер шашу шашып, жергілікті өнерпаздар патриоттық әндерді шырқады.

Айта кетейік, осы жылдың аяғына дейін жастар ең көп шоғырланған аудандарда 8 жаттығу орны бой көтереді деп жоспарланып отыр.