Ресейден хат келді. Екінші дүниежүзілік соғысқа қатысқан жауынгер Мұзапар Қалиевтің туыстарын іздеп жөнелткен екен. Хат иесінің айтысынша, жауынгердің туыстары Шығыс Қазақстанда болуы мүмкін, деп хабарлайды Алтайньюс тілшісі.

Бұл туралы Бесқарағай ауданы әкімдігі айтты.

Хатта Мұзапар Қалиевтің соғыста снайпер болғандығы жазылыпты. Жауынгердің 1923 жылы туғандығы, қазақ екендігі келтірілген.

Бірақ оның қаза болғандығы туралы ақпарат жоқ. Жауынгер қазір тірі болуы да мүмкін екен.

Бесқарағай ауданының әкімдігі жауынгерге қатысты ақпарат жинап жатыр. «Қандай да бір білеріңіз болса, бізге хабарласыңыз», дейді әкімдік өкілі.