Бұл мәселе облысқа көшпелі мәжіліспен келген сенат депутаттарының қатысуымен қызу талқыланды, деп хабарлайды Алтайньюс тілшісі.

Депутаттар бағдарлама арқылы тек жаңа үйлерді ғана емес, екінші нарықтағы үйлерді алу мүмкіндіктерін де қарастыруды ұсынды. Себебі белгілі, жаңа үйлердің бағасы қымбат, оған қарапайым көпшіліктің шамасы жетпейді. Мысалы, екі баласы бар отбасыға екі бөлмелі пәтер алу үшін кем дегенде күйеуі мен әйелінің айлық табысы 120 мыңнан асуы тиіс. Сонда 10 млн теңге тұратын баспананың айлық төлемі 25 жылға 56 мың теңгеден шығады. Егер екі млн теңге бастапқы жарнасын салған болса.