Жыл аяғына дейін 462 пәтерлі 6 үй қолданысқа беріледі Өскеменде. Бұл сужаңа пәтерлердің иелері – «Нұрлы жер» мемлекеттік бағдарламасының салымшылары, деп хабарлайды Алтайньюс тілшісі.

Үйдің 1 квадрат метрінің құны 100 мыңнан 137 мың теңгеге дейінгі аралықта. Тұрғын үй құрылыс жинақ банкінің мәліметінше, салымшылар жаңа жылды жаңа үйде қарсы алады.

Айта кетейік, «Нұрлы жер» бағдарламасына қатысушылар пәтер бағасының 20 пайызын жинауы қажет. Және жыл сайынғы 5 пайыздық жеңілдікті алуға да мүмкіндіктері бар. Несиені 25 жылға дейінгі мерзімде төлеу керек.

Қосымша ақпаратты baspana.kz сайтынан білуге болады.