Ішкі істер министрі Қалмұханбет Қасымов енді шет ел асып жоғалған телефондарды табуға мүмкіндік бар екендігін айтты, деп хабарлайды Алтайньюс тілшісі Тенгриньюс сайтына сілтеме жасап.

– Жоғалған телефондар шекара асып кетіп жатады. Қазір бізде сол телефонды қосқанда қай жерде жүргендігін анықтайтын мүмкіндік бар. Қытай, Ресей, Қырғызстанға өткізілген телефондарды анықтай аламыз біз, – деді Қ.Қасымов.

Оның айтуынша, елімізде жоғалған телефондардың 87%-ы міндетті түрде қосылады екен.

– Бірақ, бір айта кетерлігі, бізде телефондарды тіркеуде бірізділік жоқ. Егер телефон тіркелсе, оны бұғаттап тастай аламыз. Ал ол өзіңіздікі екендігін дәлелдейтіндей құжатты көрсеткенде ғана аша аласыз, – деді министр.