Сенбінің кешінде Шығыстың бас шаhарындағы өнер ордасына ағылғандар көп болды. Себебі театр ұжымы кезекті жаңа қойылымды ел назарына ұсынды.

Бұл жолы Шығыстың мәдени ошағында режиссер Жұлдызбек Жұманбайдың “Дөкей келе жатыр” атты комедиялық жаңа қойылымы сахналанды, деп хабарлайды Altainews.kz тілшісі.

Белгілі қаламгер Сафуан  Шаймерденовтің «Дөкей келе жатыр» атты драмасы  кеңестік заманда жазылған шығарма. Алматыдан арнайы келген режиссер оны бүгінгі заманға лайықтап, ән-бимен әрлеген.

Адамды күлдіру, жай ғана күлдіріп қоймай сол арқылы шындықты жеткізе білу үлкен шеберлікті қажет ететіні белгілі. Десе де театр актерлерінің әр кейіпкердің мінез-құлқын, болмысын ашу үшін барын салғаны көрініп-ақ тұр.

Айта кетейік, бұл «Болашақ» бағдарламасымен білім алған режиссердің облыстық драма театрындағы алғашқы қойылымы.

Фото: Анна Степанова